Qazaqstan Prezidenti «Royal Dutch Shell» kontserniniń bas atqarýshy direktory Ben van Berdenmen kezdesti, dep habarlaidy "Ult aqparat" Aqordaǵa silteme jasap.
Kezdesý barysynda taraptar elimizdiń munai-gaz sektoryndaǵy qazirgi ahýal men yntymaqtastyq perspektivalaryn, sonyń ishinde Qarashyǵanaq pen Qashaǵan jobalaryn odan ári damytý máselelerin talqylady.
Memleket basshysy «Royal Dutch Shell» kontserni halyqaralyq «EKSPO-2017» mamandandyrylǵan kórmesin uiymdastyrýǵa belsendi atsalysqanyn aityp, kompaniia basshylyǵyna rizashylyq bildirdi.
Ben van Berden Nursultan Nazarbaevqa kezdesýge múmkindik týǵyzǵany úshin alǵys aityp, Qazaqstan jurtshylyǵyn halyqaralyq kórmeniń tabysty ótýimen quttyqtady.
– Sizdi «EKSPO» kórmesiniń tabysty ótýimen quttyqtaimyn. Men kórmedegi eń tartymdy pavilon – «Nur Álem» sferasynda boldym. Odan alǵan áserim de keremet, – dedi kontsernniń bas atqarýshy direktory.
Ben van Berden biylǵy 18 qarashada atalǵan ken oryndaryna qatysty ónimdi bólý týraly kelisimge qol qoiylǵanyna 20 jyl tolatynyn aityp, olardy iske asyrýda Qazaqstan Prezidentiniń erekshe ról atqarǵanyn atap ótti.
– Bul jobalar óte jaqsy jáne tiimdi bolyp shyqty. Barlyq shyǵyndar der kezinde óteldi, endi tabys tabý úshin jumys atqarylýda, – dedi Memleket basshysy.
