.jpg)
Foto: Aqorda
Prezident Qasym-Jomart Toqaev elimizdiń pravoslav hristiandaryna zor densaýlyq, baq-bereke jáne tolaǵai tabys tiledi, dep habarlaidy Aqorda.
"Qurmetti otandastar! Elimizdiń barsha pravoslav hristiandaryn Rojdestvo merekesimen quttyqtaimyn! Jurtqa jaqsylyq pen úmit syilaityn osy jarqyn meiramda dindar jandar adami qundylyqtarǵa qyzmet etý jolynda ózara birigedi. Rojdestvoda azamattar erekshe qýanyshqa bólenedi, pravoslav dinin ustanatyn adamdar jaqyndaryna qamqorlyq kórsetip, muqtaj adamdarǵa janashyrlyq tanytýǵa asyǵady. Pravoslav dini eldiń berekeli birligi men yrysty yntymaǵyn nyǵaita túsýge, jalpyulttyq biregeiligimizdiń ózegi sanalatyn otanshyldyq, jasampazdyq jáne jaýapkershilik siiaqty qundylyqtardy dáripteýge mol úles qosyp keledi. Qoǵamdaǵy tatýlyq pen túsinistik Qazaqstannyń turaqty damýynyń myzǵymas tiregi bolyp qala beretinine kámil senemin. Elimizdiń pravoslav hristiandaryna zor densaýlyq, baq-bereke jáne tolaǵai tabys tileimin! Rojdestvo merekesi qutty bolsyn!", — dedi Prezident.
Aita keteiik, 7 qańtar kúni álemniń barlyq pravoslav hristiandary basty dini merekeleriniń biri – Isa paiǵambardyń týǵan kúni sanalatyn Rojdestvony atap ótedi.
