.jpg)
فوتو: اقوردا
پرەزيدەنت قاسىم-جومارت توقاەۆ ەلٸمٸزدٸڭ پراۆوسلاۆ حريستياندارىنا زور دەنساۋلىق, باق-بەرەكە جەنە تولاعاي تابىس تٸلەدٸ, دەپ حابارلايدى اقوردا.
"قۇرمەتتٸ وتانداستار! ەلٸمٸزدٸڭ بارشا پراۆوسلاۆ حريستياندارىن روجدەستۆو مەرەكەسٸمەن قۇتتىقتايمىن! جۇرتقا جاقسىلىق پەن ٷمٸت سىيلايتىن وسى جارقىن مەيرامدا دٸندار جاندار ادامي قۇندىلىقتارعا قىزمەت ەتۋ جولىندا ٶزارا بٸرٸگەدٸ. روجدەستۆودا ازاماتتار ەرەكشە قۋانىشقا بٶلەنەدٸ, پراۆوسلاۆ دٸنٸن ۇستاناتىن ادامدار جاقىندارىنا قامقورلىق كٶرسەتٸپ, مۇقتاج ادامدارعا جاناشىرلىق تانىتۋعا اسىعادى. پراۆوسلاۆ دٸنٸ ەلدٸڭ بەرەكەلٸ بٸرلٸگٸ مەن ىرىستى ىنتىماعىن نىعايتا تٷسۋگە, جالپىۇلتتىق بٸرەگەيلٸگٸمٸزدٸڭ ٶزەگٸ سانالاتىن وتانشىلدىق, جاسامپازدىق جەنە جاۋاپكەرشٸلٸك سيياقتى قۇندىلىقتاردى دەرٸپتەۋگە مول ٷلەس قوسىپ كەلەدٸ. قوعامداعى تاتۋلىق پەن تٷسٸنٸستٸك قازاقستاننىڭ تۇراقتى دامۋىنىڭ مىزعىماس تٸرەگٸ بولىپ قالا بەرەتٸنٸنە كەمٸل سەنەمٸن. ەلٸمٸزدٸڭ پراۆوسلاۆ حريستياندارىنا زور دەنساۋلىق, باق-بەرەكە جەنە تولاعاي تابىس تٸلەيمٸن! روجدەستۆو مەرەكەسٸ قۇتتى بولسىن!", — دەدٸ پرەزيدەنت.
ايتا كەتەيٸك, 7 قاڭتار كٷنٸ ەلەمنٸڭ بارلىق پراۆوسلاۆ حريستياندارى باستى دٸني مەرەكەلەرٸنٸڭ بٸرٸ – يسا پايعامباردىڭ تۋعان كٷنٸ سانالاتىن روجدەستۆونى اتاپ ٶتەدٸ.
