Memleket basshysy Qasym-Jomart Toqaev pravoslav hristiandaryn Pasha merekesimen quttyqtady, dep habarlaidy Aqorda.
***
Qymbatty otandastar!
Elimizdegi pravoslav hristiandaryn kóktemniń jarqyn merekesi – Pashamen quttyqtaimyn!
Bul qasterli meiram jurtshylyqty qaiyrymdylyq jasaýǵa, jaqynǵa janashyr bolyp, muqtaj jandarǵa qamqorlyq kórsetýge úndeidi.
Pasha dástúrleri jańarý men jaqsylyqty, meiirimdilik pen ádildikti dáripteidi.
Jahandyq indet bárimizdi synǵa salǵan qazirgi kezeńde jalpyadamzatqa ortaq osy qundylyqtardyń mańyzy artyp, ózara túsinistikti, tatýlyq pen kelisimdi nyǵaitýǵa septigin tigizýde.
Búgingi shýaqty mereke ár shańyraqty baqyt pen qýanyshqa bólei bersin!
Barshańyzǵa zor densaýlyq, baq-bereke jáne tolaǵai tabys tileimin!
Pasha merekesi qutty bolsyn!
