Memleket basshysy Polpharma kompaniiasy baqylaý keńesiniń tóraǵasy Eji Starakpen kezdesti, dep habarlaidy "Ult aqparat" Aqordaǵa silteme jasap.
Qasym-Jomart Toqaevqa Qazaqstandaǵy dári-dármek shyǵarý jónindegi birlesken jobalardyń iske asyrylýy týraly aqparat berildi. Qazaqstan Prezidenti Polpharma kompaniiasynyń farmatsevtika salasynda ǵasyrǵa jýyq tájiribesin atap ótip, onyń Polsha naryǵyndaǵy kóshbasshylardyń biri ekenin jáne elimizdegi osy salanyń damýyna erekshe úles qosyp otyrǵanyn aitty.
– Sheteldik investorlar keńesiniń jumysyna qosqan úlesińiz ben Arys qalasyna gýmanitarlyq kómek bergenińiz úshin airyqsha rizashylyq bildiremin, – dedi Memleket basshysy.
Eji Starak Qazaqstanda óte jaqsy infraqurylym qalyptasqanyn jáne ony damytýǵa kóp kúsh-jiger jumsalǵanyn aityp, kompaniianyń qazaqstandyq seriktestermen tiimdi ári tabysty yntymaqtastyǵy tyń serpin alatynyna senim bildirdi.
