Partiiaǵa senim men yntymaqtastyqqa negizdelgen qarym-qatynastyń jańa mádenieti kerek. Bul týraly AMANAT partiiasynyń sezinde Prezident Qasym-Jomart Toqaev málim etti, dep habarlaidy QazAqparat.
Prezident partiia rebrendingi onyń ataýy men jazylýyn ózgertýdi ǵana bildirmeitinin atap ótti. Birinshi kezekte barsha partiialyq jumysty qaita qurý kerek.
Aitylǵan usynystardy qoldai otyryp, partiia Tóraǵasy biqatar basym mindetti aiqyndap berdi.
Onyń pikirinshe, eń aldymen, ortalyqqa táýeldilikti joiý jáne partiia apparatynyń tiimdiligin arttyrý qajet.
«Partiia apparatynyń jumysynda biýrokratiianyń teris sipattary anyq kórindi. Jelilik kesteler, esep berý jáne qaǵaz júzindegi is-sharalar sailaýshylarmen tikelei jumys isteýdi ekinshi orynǵa syrǵytty. Jumysqa qulshynyp turǵan azamattar óz oryndaryn darynsyz fýnktsionerlerge berýge májbúr boldy», - dedi Prezident.
Memleket basshysynyń paiymynsha, ortalyq apparattyń filialdarmen jáne bastaýysh partiialyq uiymdarmen ózara is-qimyl ádisterin tolyǵymen qaita qaraý qajet.
«Biýrokratiia men qaǵazbastylyqtan úzildi-kesildi bas tartý kerek. Aimaqtyq filialdar men bastaýysh uiymdary sailaýshylarmen ózdiginen jumys istei alady jáne jumys isteýge mindetti. Ortalyq apparat nusqaýshylyq jáne «qolmen» basqarý tájiribesinen arylýǵa tiis. Onyń maqsaty – jalpy partiialyq vektordy qurý, ádistemelik ári ideologiialyq qoldaýdy qamtamasyz etý, kadrlardy oqytý, júieli problemalardy taldaý. Partiiaǵa senim men yntymaqtastyqqa negizdelgen qarym-qatynastyń jańa mádenieti kerek», - dedi Qasym-Jomart Toqaev.
