Foto: Aqorda
Kezdesýde qorǵanys jáne áskeri bilim berý salasyndaǵy yntymaqtastyq, sondai-aq eki el arasyndaǵy bailanystardy damytý máseleleri talqylandy, dep habarlaidy Ult.kz.
Prezident Qazaqstannyń Pákistandy Ońtústik Aziiadaǵy mańyzdy seriktesi retinde qarastyratynyn atap ótti. Sonymen qatar ekijaqty qarym-qatynastardyń oń qarqynmen damyp kele jatqanyna toqtaldy.
Qasym-Jomart Toqaevtyń aitýynsha, eki eldiń ekonomikalyq, sonyń ishinde saýda, kólik jáne logistika salalaryndaǵy bailanystaryn odan ári ilgeriletýge aitarlyqtai áleýeti bar.
Asim Mýnir Memleket basshysyna Pákistannyń Premer-ministri Shahbaz Shariftiń yqylasyn jetkizdi. Qurlyq áskerleriniń bas qolbasshysy Qazaqstan men Pákistannyń qorǵanys vedomstvolary arasyndaǵy yqpaldastyqty joǵary baǵalady.
Áńgimelesý barysynda ekijaqty yntymaqtastyqty órkendetýge tyń serpin berýdiń, ekonomikanyń túrli sektoryndaǵy ózara múddege sai keletin múmkindikterdi tolyq júzege asyrýdyń mańyzyna nazar aýdaryldy.
