Memleket basshysy Qasym-Jomart Toqaev Ózbekstan Prezidenti Shavkat Mirziioevpen telefon arqyly sóilesti, dep habarlady Aqordanyń baspasóz qyzmeti.
"Qazaqstan Prezidenti Qasym-Jomart Toqaev Ózbekstan Prezidenti Shavkat Mirziioevti týǵan kúnimen quttyqtap, onyń baýyrlas ózbek halqynyń igiligi jolyndaǵy memlekettik qyzmetine tabys tiledi", - dep jazylǵan habarlamada.
Prezidentter eki el yntymaqtastyǵynyń qazirgi jaǵdaiy men keleshegin, sonyń ishinde Qasym-Jomart Toqaevtyń biylǵy 14-15 sáýirde Ózbekstanǵa jasaǵan memlekettik saparynyń qorytyndysy boiynsha qol jetkizgen ýaǵdalastyqtardyń júzege asyrylý barysyn talqylady.
Memleket basshysy Ózbekstanmen kópjaqty bailanystardy keńeitýge múddelilik tanytty.
