مەملەكەت باسشىسى قاسىم-جومارت توقاەۆ ٶزبەكستان پرەزيدەنتٸ شاۆكات ميرزييوەۆپەن تەلەفون ارقىلى سٶيلەستٸ, دەپ حابارلادى اقوردانىڭ باسپاسٶز قىزمەتٸ.
"قازاقستان پرەزيدەنتٸ قاسىم-جومارت توقاەۆ ٶزبەكستان پرەزيدەنتٸ شاۆكات ميرزييوەۆتٸ تۋعان كٷنٸمەن قۇتتىقتاپ, ونىڭ باۋىرلاس ٶزبەك حالقىنىڭ يگٸلٸگٸ جولىنداعى مەملەكەتتٸك قىزمەتٸنە تابىس تٸلەدٸ", - دەپ جازىلعان حابارلامادا.
پرەزيدەنتتەر ەكٸ ەل ىنتىماقتاستىعىنىڭ قازٸرگٸ جاعدايى مەن كەلەشەگٸن, سونىڭ ٸشٸندە قاسىم-جومارت توقاەۆتىڭ بيىلعى 14-15 سەۋٸردە ٶزبەكستانعا جاساعان مەملەكەتتٸك ساپارىنىڭ قورىتىندىسى بويىنشا قول جەتكٸزگەن ۋاعدالاستىقتاردىڭ جٷزەگە اسىرىلۋ بارىسىن تالقىلادى.
مەملەكەت باسشىسى ٶزبەكستانمەن كٶپجاقتى بايلانىستاردى كەڭەيتۋگە مٷددەلٸلٸك تانىتتى.
