Qasym-Jomart Toqaev alǵashqy járdem jáne konsýltatsiialyq-diagnostikalyq kómek kórsetýge arnalǵan zamanaýi meditsinalyq quraldarmen jabdyqtalǵan kabinetterdi aralady, dep habarlaidy "Ult aqparat" Aqordnyń resmi saityna silteme jasap.
Emhanada rentgenografiia, mammografiia, fliýorografiia, LOR-kombain, saraptamalyq deńgeidegi ýltra-dybystyq zertteý jáne basqa da meditsinalyq apparattar bar. Emhananyń sońǵy úlgidegi apparattarmen jabdyqtalýy aýrýdy der kezinde anyqtap, sapaly meditsinalyq kómek kórsetýge múmkindik beredi.
«Salaýatty Astana» jaýapkershiligi shekteýli seriktestigine qarasty jańa ambýlatoriialyq-emhanalyq keshen bir aýysymda 500 adamdy qabyldaidy.
Memleket basshysyna meditsinalyq ortalyqta tirkelgen turǵyndarǵa 23 sala boiynsha alǵashqy meditsinalyq-sanitarlyq jáne konsýltatsiialyq-diagnostikalyq kómek kórsetiletini týraly aityldy. Sondai-aq eresekter men balalarǵa ońaltý qyzmetteri kórsetiledi. 150 oryndyq kúndizgi statsionar jumys isteidi.
Prezident meditsinalyq ortalyqtyń ujymyna jedel járdem kóligin alýǵa sertifikat tabystady.
Qazirgi tańda elordada 180 myń adam koronavirýsqa qarsy ekpeniń birinshi komponentin alǵan. 128 myńnan astam azamat ekpeniń ekinshi komponentin saldyrdy. Eńbek ujymdaryn vaktsinalaý belsendi júrgizilip jatyr.
Ujymdyq immýnitetti qalyptastyrý úshin 650 myńnan astam adamǵa nemese qala turǵyndarynyń 60 paiyzyna ekpe egý josparlanýda.
Alǵashqy meditsinalyq-sanitarlyq kómek kórsetý uiymdaryndaǵy vaktsinalaý pýnktteri 100-ge deiin kóbeidi, sondai-aq, saýda jáne oiyn-saýyq ortalyqtarynda qosymsha 8 pýnkt qyzmet kórsetedi.
