قاسىم-جومارت توقاەۆ العاشقى جەردەم جەنە كونسۋلتاتسييالىق-دياگنوستيكالىق كٶمەك كٶرسەتۋگە ارنالعان زاماناۋي مەديتسينالىق قۇرالدارمەن جابدىقتالعان كابينەتتەردٸ ارالادى, دەپ حابارلايدى "ۇلت اقپارات" اقوردنىڭ رەسمي سايتىنا سٸلتەمە جاساپ.
ەمحانادا رەنتگەنوگرافييا, مامموگرافييا, فليۋوروگرافييا, لور-كومباين, ساراپتامالىق دەڭگەيدەگٸ ۋلترا-دىبىستىق زەرتتەۋ جەنە باسقا دا مەديتسينالىق اپپاراتتار بار. ەمحانانىڭ سوڭعى ٷلگٸدەگٸ اپپاراتتارمەن جابدىقتالۋى اۋرۋدى دەر كەزٸندە انىقتاپ, ساپالى مەديتسينالىق كٶمەك كٶرسەتۋگە مٷمكٸندٸك بەرەدٸ.
«سالاۋاتتى استانا» جاۋاپكەرشٸلٸگٸ شەكتەۋلٸ سەرٸكتەستٸگٸنە قاراستى جاڭا امبۋلاتورييالىق-ەمحانالىق كەشەن بٸر اۋىسىمدا 500 ادامدى قابىلدايدى.
مەملەكەت باسشىسىنا مەديتسينالىق ورتالىقتا تٸركەلگەن تۇرعىندارعا 23 سالا بويىنشا العاشقى مەديتسينالىق-سانيتارلىق جەنە كونسۋلتاتسييالىق-دياگنوستيكالىق كٶمەك كٶرسەتٸلەتٸنٸ تۋرالى ايتىلدى. سونداي-اق ەرەسەكتەر مەن بالالارعا وڭالتۋ قىزمەتتەرٸ كٶرسەتٸلەدٸ. 150 ورىندىق كٷندٸزگٸ ستاتسيونار جۇمىس ٸستەيدٸ.
پرەزيدەنت مەديتسينالىق ورتالىقتىڭ ۇجىمىنا جەدەل جەردەم كٶلٸگٸن الۋعا سەرتيفيكات تابىستادى.
قازٸرگٸ تاڭدا ەلوردادا 180 مىڭ ادام كوروناۆيرۋسقا قارسى ەكپەنٸڭ بٸرٸنشٸ كومپونەنتٸن العان. 128 مىڭنان استام ازامات ەكپەنٸڭ ەكٸنشٸ كومپونەنتٸن سالدىردى. ەڭبەك ۇجىمدارىن ۆاكتسينالاۋ بەلسەندٸ جٷرگٸزٸلٸپ جاتىر.
ۇجىمدىق يممۋنيتەتتٸ قالىپتاستىرۋ ٷشٸن 650 مىڭنان استام ادامعا نەمەسە قالا تۇرعىندارىنىڭ 60 پايىزىنا ەكپە ەگۋ جوسپارلانۋدا.
العاشقى مەديتسينالىق-سانيتارلىق كٶمەك كٶرسەتۋ ۇيىمدارىنداعى ۆاكتسينالاۋ پۋنكتتەرٸ 100-گە دەيٸن كٶبەيدٸ, سونداي-اق, ساۋدا جەنە ويىن-ساۋىق ورتالىقتارىندا قوسىمشا 8 پۋنكت قىزمەت كٶرسەتەدٸ.
