Prezident Qasym-Jomart Toqaev áskeri qyzmettiń belgilengen kezeńin ótkergen merzimdi áskeri qyzmettegi áskeri qyzmetshilerdi zapasqa shyǵarý jáne Qazaqstan Respýblikasynyń azamattaryn 2022 jyldyń naýryz-maýsymynda jáne qyrkúiek-jeltoqsanynda merzimdi áskeri qyzmetke kezekti shaqyrý týraly jarlyqqa qol qoidy, - dep habarlaidy "Ult aqparat" Aqordaǵa silteme jasap.
***
«Qazaqstan Respýblikasynyń qorǵanysy jáne Qarýly Kúshteri týraly» 2005 jylǵy 7 qańtardaǵy Qazaqstan Respýblikasy Zańynyń 5-baby 2-tarmaǵynyń 11) tarmaqshasyna jáne «Áskeri qyzmet jáne áskeri qyzmetshilerdiń mártebesi týraly» 2012 jylǵy 16 aqpandaǵy Qazaqstan Respýblikasy Zańynyń 31-babyna sáikes QAÝLY ETEMIN:
1. Áskeri qyzmettiń belgilengen merzimin ótkergen merzimdi áskeri qyzmettegi áskeri qyzmetshiler 2022 jyldyń naýryz – maýsymynda jáne qyrkúiek – jeltoqsanynda Qazaqstan Respýblikasynyń Qarýly Kúshteri, Qazaqstan Respýblikasynyń Ishki ister ministrligi, Qazaqstan Respýblikasynyń Tótenshe jaǵdailar ministrligi, Qazaqstan Respýblikasynyń Ulttyq qaýipsizdik komiteti, Qazaqstan Respýblikasynyń Memlekettik kúzet qyzmeti qatarynan zapasqa shyǵarylsyn.
2. Áskerge shaqyrýdy keiinge qaldyrýǵa nemese odan bosatylýǵa quqyǵy joq on segiz jastan jiyrma jeti jasqa deiingi er azamattar 2022 jyldyń naýryz – maýsymynda jáne qyrkúiek – jeltoqsanynda Qazaqstan Respýblikasynyń Qarýly Kúshterine, Qazaqstan Respýblikasynyń Ishki ister ministrligine, Qazaqstan Respýblikasynyń Tótenshe jaǵdailar ministrligine, Qazaqstan Respýblikasynyń Ulttyq qaýipsizdik komitetine, Qazaqstan Respýblikasynyń Memlekettik kúzet qyzmetine merzimdi áskeri qyzmetke shaqyrylsyn.
3. Jergilikti atqarýshy organdar tiisti jergilikti áskeri basqarý organdary arqyly 2022 jyldyń naýryz – maýsymynda jáne qyrkúiek – jeltoqsanynda azamattardy merzimdi áskeri qyzmetke shaqyrýdy júrgizýdi uiymdastyrsyn jáne qamtamasyz etsin.
4. Qazaqstan Respýblikasynyń Úkimeti, Qazaqstan Respýblikasynyń Ulttyq qaýipsizdik komiteti, Qazaqstan Respýblikasynyń Memlekettik kúzet qyzmeti merzimdi áskeri qyzmetti ótkerý úshin Qazaqstan Respýblikasynyń Qarýly Kúshterine, Qazaqstan Respýblikasynyń Ishki ister ministrligine, Qazaqstan Respýblikasynyń Tótenshe jaǵdailar ministrligine, Qazaqstan Respýblikasynyń Ulttyq qaýipsizdik komitetine, Qazaqstan Respýblikasynyń Memlekettik kúzet qyzmetine áskerge shaqyrylǵan Qazaqstan Respýblikasynyń azamattaryn jóneltýdi jáne merzimdi áskeri qyzmettiń belgilengen merzimderin ótkergen áskeri qyzmetshilerdi shyǵarýdy qarjylai jáne materialdyq qamtamasyz etýdi uiymdastyrsyn.
5. Osy Jarlyq alǵashqy resmi jariialanǵan kúninen bastap qoldanysqa engiziledi.
Qazaqstan Respýblikasynyń
Prezidenti Q.Toqaev
Nur-Sultan, Aqorda, 2022 jylǵy 4 naýryz
№ 827
