Qazaqstan Prezidenti Qasym-Jomart Toqaev «Mir» arnasyna suhbatynda Ekinshi dúniejúzilik soǵystaǵy jeńiske Qazaqstannyń qosqan úlesi týraly pikirin bildirdi, dep habarlaidy "Ult aqparat".
«Shynynda da Qazaqstanǵa soǵystyń alǵashqy ailarynda Resei, Ýkraina, Belarýs aimaqtarynda okkýpatsiialanǵan iri óndiristik kásiporyndardyń bári kóshirildi. Tústi metallýrgiia, jeńil jáne tamaq ónerkásibi, tigin ónerkásibi bolatyn olar. Qazaqstanǵa osylaisha 220 zaýyt pen fabrika evakýatsiialandy. Nelikten osy ról Qazaqstanǵa júkteldi? Meniń oiymsha, birneshe faktor sheshýshi rólge ie bolǵan sekildi. Eń aldymen, respýblikanyń ónerkásiptik-indýstriialyq áleýeti myqty edi. Tabiǵi bailyq Qazaqstanǵa soǵysqa deiin-aq qýatty otyn-energetikalyq shikizat bazasyn qalyptastyrýǵa múmkindik berdi. Temir jol jelisi de jolǵa qoiylǵanyn umytpaý kerek. «Túrksibtiń» ózin eske ala berińiz. Qazaqstannyń geografiialyq ornalasýy da mańyzdy ról atqardy. Olar áskeri qimyldan alys jatqan bolatyn», - dedi Prezident.
Memleket basshysy osy rette Qazaqstan armiiany jaraqtandyrýda negizgi rólge ie bolǵanyn málim etti.
«Maidanda atylǵan on oqtyń toǵyzy Qazaqstan jerinde shyǵaryldy. Maidanǵa 1500 vagon kiim-keshek pen azyq-túlik jiberdik. Basqasha aitqanda, jeńiske jetý jolynda bizdiń qosqan úlesimiz aiqyn edi. Qazaqstanda teatr qairatkerleriniń kóbi shyǵarmashylyqpen ainalysa aldy. Kinematografister men mýzykanttar, aqyndar men jazýshylar kóp boldy. Dál osy elde kitaptar jazylyp, filmder túsirildi, Sovet odaǵynyń tanymal mádeniet qairatkerleri teatr qoiylymdaryn qoidy. Onyń ishinde Sergei Eizenshtein, Aleksei Tolstoi, Konstantin Simonov, Sergei Prokofev, Galina Ýlanova men taǵy basqa adamdar bar edi. «Aleksandr Nevskii» atty áigili film de Almatyda túsirildi», - dedi Prezident.
