Nur-Sultan qalasynyń ákimdiginde ótken elordany odan ary damytý máseleleri jónindegi májiliste Memleket basshysy Qasym-Jomart Toqaev jaz boiy turǵyndardyń mazasyn alatyn masany joiý jumystaryna nazar aýdartty, dep habarlaidy QazAqparat.
«Búkil jaz boiy qaptaǵan masa qala turǵyndary men qonaqtaryna qolaisyzdyq týdyrdy. Meniń bul taqyrypta sóz qozǵaǵanymnyń ózi yńǵaisyzdaý. Masalar keshe ushyp kelgen joq qoi. Bul josparly jumys bolýy tiis», - dedi Q.Toqaev.
Memleket basshysynyń dereginshe, masany ýlaýǵa bólingen 395 mln teńge qarajattyń tek 65 paiyzy ǵana igerilgen.
«Jumys der ýaqytynda, laiyqty úilestirýsiz júrgizilgen. Jaǵdaidyń ereksheligi barynsha belgili. Biraq, maǵan jaǵdaidyń jyldan jylǵa qaitalanatyndyǵy túsiniksiz. Basqarýshylarymyz ben menedjerlerimiz qandai ózi», - dedi QR Prezidenti.
