Memleket basshysy «LÝKOIL» munai kompaniiasynyń prezidenti Vagit Alekperovti qabyldady, dep habarlaidy Aqorda.
Qasym-Jomart Toqaevqa munai kompaniiasynyń 2019 jyly Qazaqstanda atqarǵan jumystarynyń esebi berildi. Sondai-aq Vagit Alekperov «Jeńis» jáne «I-P-2» teńiz jobalaryn júzege asyrýdyń qazirgi ahýaly men perspektivalary týraly baiandady.
Resei biznesmeni Qazaqstan Prezidentine Almaty oblysynda biyl qyrkúiek aiynda ashylǵan «LÝKOIL» jaǵarmai ónimderin shyǵaratyn zaýyt jumysynyń alǵashqy nátijeleri jaiynda málimet berdi.
Memleket basshysy osyndai zaýyt salǵany úshin Vagit Alekperovke rizashylyǵyn bildirdi.
– Bul – sizdiń kompaniianyń Qazaqstan ekonomikasyna qosqan eleýli úlesi. Mundai baǵyttaǵy investitsiialarǵa jan-jaqty qoldaý kórsetemiz, – dedi Qasym-Jomart Toqaev.
Vagit Alekperov atalǵan óndiris nysany kompaniianyń maqtanyshyna ainalǵanyn atap ótti. Onyń aitýynsha, kásiporyn 700-ge jýyq ónim túrin shyǵarady jáne bir jarym aidyń ishinde óziniń jobalyq qýatyna tolyq jetedi.
