Memleket basshysy reseilik «Lýkoil» munai kompaniiasynyń prezidenti Vagit Alekperovpen kezdesti, dep habarlaidy "Ult aqparat" Aqordaǵa silteme jasap.
Kezdesý barysynda Vagit Alekperov Qasym-Jomart Toqaevqa kompaniianyń Qazaqstandaǵy júzege asyryp jatqan jobalary týraly aitty. Olar munai-gaz salasyndaǵy ózara yqpaldastyqtyń keleshegin talqylady.
Qazaqstan Prezidenti elimizdiń energetika sektoryn damytý isindegi «Lýkoil» kompaniiasynyń úlesin joǵary baǵalady.
– «Lýkoil» – bizdiń strategiialyq investitsiialyq seriktesimiz. Qazaqstannyń Tuńǵysh Prezidenti – Elbasy Nursultan Nazarbaev sizdiń kompaniiamen aradaǵy yntymaqtastyqty damytýǵa erekshe mán berdi. Biz uzaq ýaqyttan beri bir-birimizdi bilemiz. Sondyqtan osy jemisti yntymaqtastyqtyń tabysty bolatyny sózsiz dep oilaimyn, – dedi Memleket basshysy.
