Memleket basshysy quqyq qorǵaý organdaryn reformalaý jóninde keńes ótkizdi, dep habarlaidy Aqorda.
Prezident Qasym-Jomart Toqaev Qazaqstan halqyna arnaǵan Joldaýynda aitylǵan quqyq qorǵaý salasy men sot júiesin reformalaýdy júzege asyrý máseleleri jóninde keńes ótkizdi.
Memleket basshysynyń aitýynsha, aldaǵy ózgeristerdiń basty maqsaty – zań ústemdigin, ádilettilikti jáne azamattardyń qaýipsizdigin qamtamasyz etý.
Jiynda azamattardyń quqyqtary men bostandyqtaryn qorǵaýdy qamtamasyz etýdiń úsh býyndy modelin qurý jáne quqyq qorǵaý organdary men sot júiesi ókilettilikteriniń ara-jigin ajyratý máselelerine basymdyq berildi. Prezident atalǵan júie zańdylyq pen ádilettilikti qalyptastyrý mehanizminiń kepili bolýǵa tiis ekenin atap ótti.
Qasym-Jomart Toqaev «Jańa jaǵdaidaǵy Qazaqstan: is-qimyl kezeńi» Joldaýyndaǵy mindetterdi júzege asyrýdyń negizgi baǵyttaryn belgilep, quqyq qorǵaý organdary basshylaryna naqty tapsyrmalar berdi.
Keńeske Prezident Ákimshiliginiń Basshysy Erlan Qoshanov, Prezidenttiń kómekshisi – Qaýipsizdik Keńesiniń hatshysy Áset Isekeshev, Premer-Ministrdiń birinshi orynbasary Álihan Smaiylov, Premer-Ministrdiń orynbasary Eraly Toǵjanov, Prezident Ákimshiligi Basshysynyń birinshi orynbasary Dáýren Abaev, Bas prokýror Ǵizat Nurdáýletov, Ulttyq qaýipsizdik komitetiniń tóraǵasy Kárim Másimov, Prezidenttiń kómekshisi Erlan Qarin, Qorǵanys ministri Nurlan Ermekbaev, Ishki ister ministri Erlan Turǵymbaev qatysty.
