Memleket basshysy QHR Tóraǵasyna kóńil aitý jedelhatyn joldady, dep habarlaidy "Ult aqparat" Aqordanyń baspasóz qyzmetine silteme jasap.
Qytai Halyq Respýblikasynyń Tóraǵasy Si Tszinpinge joldaǵan jedelhatynda Qasym-Jomart Toqaev Sychýan ólkesinde bolǵan jer silkinisi saldarynan kóptegen azamattyń qaza tapqany jáne zardap shekkeni týraly sýyt habardy tereń kúizelispen qabyl alǵanyn jazdy.
– Osyndai aýyr sátte qaiǵy-qasiretterińizge ortaqtasyp, barsha qazaqstandyqtardyń jáne jeke óz atymnan Sizge jáne jaqyndarynan aiyrylǵan otbasylarǵa, sondai-aq dostas Qytai halqyna qaiǵyra kóńil aitamyn. Tabiǵi apatta jaralanǵandardyń tez arada saýyǵyp ketýin jáne iz-tússiz joǵalǵandardyń otbasylaryna aman-esen oralýyn tileimin, – dep jazylǵan Prezidenttiń jedelhatynda.
