Memleket basshysy «QazMunaiGaz» UK» aktsionerlik qoǵamynyń basqarma tóraǵasy Alik Aidarbaevty qabyldady, dep habarlaidy "Ult aqparat".
Prezidentke ulttyq kompaniianyń byltyrǵy atqarǵan jumystarynyń nátijeleri týraly esep berilip, orta merzimdegi damý strategiiasy tanystyryldy.
Alik Aidarbaev Prezidentke «QazMunaiGaz» kompaniiasynyń daǵdarys jaǵdaiynda qarjylyq turaqtylyqty saqtaǵanyn jáne qazirgi ýaqytta pandemiiaǵa deiingi kórsetkishterge qol jetkizý baǵytynda jumys júrgizilip jatqanyn málimdedi.
Memleket basshysyna Kaspii qairańyndaǵy paidaly qazbalardy igerý jónindegi «Abai», «Isatai», «Jeńis» jáne «Ál-Farabi» siiaqty investitsiialyq jobalardyń qazirgi mártebesi týraly aqparat berildi. Alik Aidarbaev polipropilen, polietilen jáne býtadien óndirisi boiynsha munai-gaz himiiasy jobalaryna qatysty jumystardyń barysyna arnaiy toqtaldy. Sonymen qatar jańartylatyn qýat kózderin damytý jáne kómirteginen tazartý jónindegi kompaniianyń josparlary týraly aitty.
«QazMunaiGaz» UK» AQ basqarma tóraǵasy Prezidentke ulttyq kompaniianyń iske asyryp jatqan áleýmettik mańyzy bar jobalary jaiynda, atap aitqanda, «Astrahan-Mańǵyshlaq» magistraldy sý qubyrynyń qaita jóndelýi jáne Mańǵystaý oblysynyń Kendirli kentindegi sý tushytatyn zaýyttyń qurylysy týraly baiandaldy.
Kezdesý qorytyndysy boiynsha Qasym-Jomart Toqaev Alik Aidarbaevqa ulttyq kompaniianyń qarjylyq turaqtylyǵyn odan ári saqtaýǵa, investitsiialyq jáne infraqurylymdyq jobalardy iske asyrýǵa, jańartylatyn qýat kózderin paidalanýǵa qatysty birqatar tapsyrma berdi. Sondai-aq jumyspen qamtý máselesin jáne kompaniia qyzmetkerleriniń áleýmettik jaǵdaiyn baqylaýda ustaýdy tapsyrdy.
