Qazaqstan Prezidenti Nursultan Nazarbaev Qazaqstan Respýblikasynyń 2025 jylǵa deiingi Strategiialyq damý josparyn bekitý jáne Qazaqstan Respýblikasy Prezidentiniń keibir jarlyqtarynyń kúshi joiyldy dep taný týraly qaýly shyǵardy. Qaýly Aqorda saitynda jariialandy.
"QAÝLY ETEMIN:
1. Qosa berilip otyrǵan Qazaqstan Respýblikasynyń 2025 jylǵa deiingi Strategiialyq damý jospary bekitilsin.
2. Qazaqstan Respýblikasynyń Úkimeti, ortalyq jáne jergilikti atqarýshy organdar, sondai-aq Qazaqstan Respýblikasynyń Prezidentine tikelei baǵynatyn jáne esep beretin memlekettik organdar óz qyzmetinde Qazaqstan Respýblikasynyń 2025 jylǵa deiingi Strategiialyq damý josparyn basshylyqqa alsyn jáne ony iske asyrý boiynsha qajetti sharalar qabyldasyn.
3. Osy Jarlyqqa qosymshaǵa sáikes Qazaqstan Respýblikasy Prezidentiniń keibir jarlyqtarynyń kúshi joiyldy dep tanylsyn.
4. Osy Jarlyqtyń oryndalýyn baqylaý Qazaqstan Respýblikasy Prezidentiniń Ákimshiligine júktelsin.
5. Osy Jarlyq qol qoiylǵan kúninen bastap qoldanysqa engiziledi", - delingen qaýlyda.
