Memleket basshysy Nursultan Nazarbaev qazaqstandyqtardy Rojdestvo merekesimen quttyqtady, dep habarlaidy Aqorda.
***
Qymbatty otandastar!
Barsha pravoslav hristiandaryn Rojdestvo merekesimen quttyqtaimyn!
Bul - jaqsylyq pen ádildikti, jaqyn jandarǵa degen meiirim men súiispenshilikti dáripteitin, joǵary gýmanistik idealdarǵa degen senimdi nyǵaitatyn meiram.
Qazaqstandyqtar bir-birin basty rýhani merekelermen quttyqtai otyryp, árkimge túsinikti jáne ár adamnyń janyna jaqyn adami qundylyqtardyń tutastyǵyn tanytady.
Bizdiń azamattarymyz bárimizge ortaq beibitshilik, birlik, konfessiiaaralyq kelisim jáne basqa da kóptegen mańyzdy jetistikterimizdi maqtan ete alady.
Búginde túrli din ókilderi ózara túsinistikti nyǵaitýǵa jáne qazirgi Qazaqstan qoǵamynyń turaqty damýyna eleýli úles qosýda.
Bárińizge shyn júrekten zor densaýlyq, baiandy baqyt, otbasylaryńyzǵa bereke tileimin!
