QR Prezidenti Nursultan Nazarbaev "Astana" halyqaralyq qarjy ortalyǵy qazaqstandyqtardy aktsiialarmen jumys isteýge úiretetinin aitty, dep habarlaidy Sputnik Qazaqstan tilshisi.
"Qazaqstandyqtar ázirge birjanyń ne ekenin bilmeidi, aktsiialarmen jumys istei almaidy. Al amerikalyqtardyń 70 paiyzynda qoldarynda aktsiialary bar. Olar sonymen qosymsha aqsha taýyp, aktsiialardyń kotirovkalaryn baqylap otyrady. Biz qazir qazaqstandyqtardy aktsiiaǵa aqsha quiyp, dividend alyp, osy ispen baiýǵa úiretemiz", — dedi Elbasy.
Prezident "Astana" HQO qurý kezinde Dýbai tájiribesi tolyq zerttelgenin atap ótti.
"Dýbai tájiribesi bizge jaqyn boldy, biz sony qabyldadyq. Munda aǵylshyn quqyǵy, aǵylshyn tili qoldanysta biledi. Men sýdiany bekitip qoidym, ol Londonnyń bas sýdiasy bolǵan. Mundai ortalyq Ortalyq Aziiada jalǵyz, tipti Reseide de joq. Dúniejúzilik bank, Islam banki, Aziia banki, Eýropa banki osynda óz ofisterin ashyp, aqsha quiatyn bolady", — dedi Nazarbaev.
