Qazaqstan Prezidenti Qasym-Jomart Toqaev elimizdegi volonterlerdiń sanyn 100 myńǵa deiin jetkizý kerektigin aitty, dep habarlaidy QazAqparat.
«Búgin de dúniejúzinde volonterlik qyzmettiń aýqymy ósip, álemdik qozǵalysqa ainaldy. Qazirdiń ózinde jer betinde 1 milliardqa jýyq volonter bar. Bizde 16 myń – az. 100 myńǵa deiingi deńgeige kóterýge bolady. Olardyń jahandyq damýǵa tigizer úlesi zor. Álemniń jalpy ishki ónimniń 2,5 paiyzy – eriktiler eńbeginiń nátijesi. Kóptegen elde erikti bolý – qalypty jaǵdai, úlken qurmet sanalady. Jurtshylyq olardy syilaidy», - dedi Memleket basshysy elordadaǵy Birgemiz» respýblikalyq front-keńsesiniń ashylý saltanatynda.
Qasym-Jomart Toqaev máselen halqynyń jartysy volonter bolyp otyrǵan Frantsiia elin mysalǵa keltirdi. Onyń aitýynsha, Germaniia men Japoniiada da eriktilerdiń sany jyldan jylǵa kóbeiip keledi.
«Bizge osyndai deńgeige umtylýymyz kerek. Azamattarymyz ózgege qurmet kórsetýde aianyp qalmaýy tiis. Sol arqyly qoǵamǵa áleýmettik jaýapkershilikti arttyramyz. Volonterlik – patriotizmniń bir bóligi. Eriktiler eń aldymen el igiligine qyzmet etedi», - dedi ol.
Aita ketsek, Prezident Qasym-Jomart Toqaev elordada EKSPO kórmesiniń «Art Hub» pavilonynda ornalasqan volonterlerdiń «Birgemiz» respýblikalyq front-keńsesiniń ashylý saltanatyna qatysty.
Volonter jyly aiasynda front-keńseniń ashylýy barysynda «QQQAZVOLUNTEER.KZ onlain platformasynyń qyzmeti jáne volonterliktiń «Bilim», «Qamqor», «Úmit», «Sabaqtastyq», «Taza Álem» jáne «Saulyq» atty 7 salalyq baǵyt boiynsha alańdary tanystyryldy.
Front-keńse búkil Qazaqstannyń volonterleri úshin keńes berý, ádistemelik, oqytý jáne aqparattyq ortalyqqa ainalatyn bolady. Sondai-aq, ol volonterlik jobalar men oqytý baǵdarlamalaryn úilestirý, monitoring jasaý, volonterlikti ilgeriletý boiynsha biryńǵai aqparattyq saiasatty júrgizedi jáne biryńǵai Call-ortalyqtyń jumysyn uiymdastyrady.
.jpeg)