Memleket basshysy Qasym-Jomart Toqaev qazaqstandyqtardy Qazaqstan halqynyń birligi kúnimen quttyqtady, - dep habarlaidy Aqordanyń baspasóz qyzmeti.
***
Memleket basshysy Qasym-Jomart Toqaevtyń Qazaqstan halqynyń birligi kúnimen quttyqtaýy
Qurmetti otandastar!
Barshańyzdy Qazaqstan halqynyń birligi kúnimen quttyqtaimyn!
Bul mereke qasietti jerimizdi mekendeitin ár adam úshin asa qymbat.
Egemen elimizdegi barlyq etnikalyq top ókilderi birtutas Qazaqstan halqyn quraidy. Biz dostyq pen yntymaqtyń, tatýlyq pen turaqtylyqtyń arqasynda zor jetistikke jettik.
Beibitshilik pen qoǵamdyq kelisim – baǵa jetpes bailyǵymyz. Bul qundylyqtar Tuńǵysh Prezidentimiz – Elbasy N.Á.Nazarbaev negizin qalaǵan jańa Qazaqstannyń strategiialyq baǵyt-baǵdarynyń ózegine ainaldy.
Biz bir el, birtutas halyq bolyp táýelsizdigimizdi nyǵaittyq. Halyqaralyq qoǵamdastyqtaǵy abyroi-bedelimizdi arttyrdyq.
Biylǵy Birlik kúniniń mán-mańyzy erekshe. Búginde Qazaqstan búkil álemge taraǵan koronavirýs pandemiiasymen kúresýde. Jahandyq ekonomikalyq daǵdarystyń saldaryn halqymyz da sezinip otyr.
Bizdiń birligimiz bekem, maqsatymyz ortaq, rýhymyz asqaq. Sonyń arqasynda kez-kelgen qiyndyqty jeńip, jasampazdyq pen órleý jolynda jańa belesterdi baǵyndyramyz dep senemin.
Sizderge myqty densaýlyq, baq-bereke jáne tolaiym tabys tileimin!
Biz birgemiz!
