Memleket basshysy Qasym-Jomart Toqaev Arysqa kómek kórsetken Qazaqstan halqyna alǵysyn aitty, dep habarlaidy "Ult aqparat".
«Arys oqiǵasy kezinde elimizdiń azamattary, memlekettik organdar, úkimettik emes uiymdar, óńirler, otandyq biznes jáne birqatar sheteldik investorlar zardap shekkenderge materialdyq jáne moraldyq qoldaý kórsetti. Bul - halqymyzdyń bereke-birliginiń arqasy jáne tutastyǵymyzdyń kórinisi. Barlyǵyna rizashylyǵymdy bildiremin», - dedi Memleket basshysy.
Prezident Arystaǵy qalpyna keltirý jumystaryn Úkimet basshysy men ákimder qatań baqylaýda ustaýdy tapsyrdy.
«Qorǵanys ministrligi áskeri qoimany kóshirý jumystaryn bastady. Bul jumysty uzaqqa sozbai, qysqa merzim ishinde aiaqtaý qajet», - dedi Qasym-Jomart Toqaev.
