Memleket basshysy Qasym-Jomart Toqaev qaiyrymdylyq kórsetý belsendiligin arttyrý maqsatynda Úkimetke birqatar tapsyrma berdi, dep habarlaidy QazAqparat.
«Birinshiden, qaiyrymdylyqpen ainalysatyn uiymdarǵa bastapqy jyldarynda jeńildetilgen nesie berip, sondai-aq olarǵa memleket menshigindegi nysandardy jeńildikpen paidalaný múmkindigin usyný kerek. Ekinshiden, kásipkerler men jeke tulǵalardyń qaiyrymdylyq pen eriktilerdiń jobalaryna qatysýyna janama túrde yntalandyrýdyń tiimdi tetikterin engizý mańyzdy. Onyń ishinde memlekettik qoldaý sharalaryn usyný kezinde basym quqyqtar berýge bolady. Úshinshiden, Memleket tarapynan da, biznes tarapynan da qaiyrymdylyq jáne eriktiler uiymdarynyń qarjylyq jáne qarjylyq sipattan tys qoldaý tetikterin keńeitý qajet. Úkimetten tiisti usynystardy daiyndaýdy suraimyn», - dedi Memleket basshysy Volonter jylynyń jabylý rásiminde sóilegen sózinde.
Sonymen qatar qaiyrymdylyqpen ainalysatyn uiymdardyń ashyqtyǵyn qamtamasyz etý úshin Prezident qaiyrymdylyq uiymdarynyń reestrin engizý máselesi jaily da oilaný kerektigin jetkizdi.
«Ol osy saladaǵy barlyq qoldanystaǵy aqparattyq júielermen integratsiialanýy tiis. Qaiyrymdylyq uiymdarynyń qyzmetimen, olardyń qarjylyq eseptiligimen tanysqysy keletin kez kelgen adamǵa ol qoljetimdi bolýy kerek. Elektrondy qaiyrymdylyq salasyndaǵy azamattardy alaiaqtyqtan qorǵaý júiesin qurý da mańyzdy. Búgingi tańda bul - qarjylyq kómek aýdarymdarynyń eń jii suranysqa ie túrleriniń biri. Ár úshinshi qazaqstandyq onlain rejimde qaiyrymdylyq jasaýdy jón kóredi. Halyqtyń senimine nuqsan keltirmeý úshin ainalymǵa onlain-banking arqyly jedel qaiyrymdylyq jasaý uǵymyn engizý qajet», - dedi Prezident.
