مەملەكەت باسشىسى قاسىم-جومارت توقاەۆ قايىرىمدىلىق كٶرسەتۋ بەلسەندٸلٸگٸن ارتتىرۋ ماقساتىندا ٷكٸمەتكە بٸرقاتار تاپسىرما بەردٸ, دەپ حابارلايدى قازاقپارات.
«بٸرٸنشٸدەن, قايىرىمدىلىقپەن اينالىساتىن ۇيىمدارعا باستاپقى جىلدارىندا جەڭٸلدەتٸلگەن نەسيە بەرٸپ, سونداي-اق ولارعا مەملەكەت مەنشٸگٸندەگٸ نىسانداردى جەڭٸلدٸكپەن پايدالانۋ مٷمكٸندٸگٸن ۇسىنۋ كەرەك. ەكٸنشٸدەن, كەسٸپكەرلەر مەن جەكە تۇلعالاردىڭ قايىرىمدىلىق پەن ەرٸكتٸلەردٸڭ جوبالارىنا قاتىسۋىنا جاناما تٷردە ىنتالاندىرۋدىڭ تيٸمدٸ تەتٸكتەرٸن ەنگٸزۋ ماڭىزدى. ونىڭ ٸشٸندە مەملەكەتتٸك قولداۋ شارالارىن ۇسىنۋ كەزٸندە باسىم قۇقىقتار بەرۋگە بولادى. ٷشٸنشٸدەن, مەملەكەت تاراپىنان دا, بيزنەس تاراپىنان دا قايىرىمدىلىق جەنە ەرٸكتٸلەر ۇيىمدارىنىڭ قارجىلىق جەنە قارجىلىق سيپاتتان تىس قولداۋ تەتٸكتەرٸن كەڭەيتۋ قاجەت. ٷكٸمەتتەن تيٸستٸ ۇسىنىستاردى دايىنداۋدى سۇرايمىن», - دەدٸ مەملەكەت باسشىسى ۆولونتەر جىلىنىڭ جابىلۋ رەسٸمٸندە سٶيلەگەن سٶزٸندە.
سونىمەن قاتار قايىرىمدىلىقپەن اينالىساتىن ۇيىمداردىڭ اشىقتىعىن قامتاماسىز ەتۋ ٷشٸن پرەزيدەنت قايىرىمدىلىق ۇيىمدارىنىڭ رەەسترٸن ەنگٸزۋ مەسەلەسٸ جايلى دا ويلانۋ كەرەكتٸگٸن جەتكٸزدٸ.
«ول وسى سالاداعى بارلىق قولدانىستاعى اقپاراتتىق جٷيەلەرمەن ينتەگراتسييالانۋى تيٸس. قايىرىمدىلىق ۇيىمدارىنىڭ قىزمەتٸمەن, ولاردىڭ قارجىلىق ەسەپتٸلٸگٸمەن تانىسقىسى كەلەتٸن كەز كەلگەن ادامعا ول قولجەتٸمدٸ بولۋى كەرەك. ەلەكتروندى قايىرىمدىلىق سالاسىنداعى ازاماتتاردى الاياقتىقتان قورعاۋ جٷيەسٸن قۇرۋ دا ماڭىزدى. بٷگٸنگٸ تاڭدا بۇل - قارجىلىق كٶمەك اۋدارىمدارىنىڭ ەڭ جيٸ سۇرانىسقا يە تٷرلەرٸنٸڭ بٸرٸ. ەر ٷشٸنشٸ قازاقستاندىق ونلاين رەجيمدە قايىرىمدىلىق جاساۋدى جٶن كٶرەدٸ. حالىقتىڭ سەنٸمٸنە نۇقسان كەلتٸرمەۋ ٷشٸن اينالىمعا ونلاين-بانكينگ ارقىلى جەدەل قايىرىمدىلىق جاساۋ ۇعىمىن ەنگٸزۋ قاجەت», - دەدٸ پرەزيدەنت.
