Memleket basshysy Strategiialyq josparlaý jáne reformalar agenttiginiń tóraǵasy Qairat Kelimbetovti qabyldady, dep habarlaidy "Ult aqparat" Aqordaǵa silteme jasap.
Prezidentke densaýlyq saqtaý, kásipkerlik, ornyqty ekonomikalyq ósimdi qamtamasyz etý, óńirlerdi damytý, innovatsiia jáne ǵylym, sondai-aq, agroónerkásip kesheni salalaryndaǵy ulttyq jobalardyń ázirlený barysy týraly málimet berildi.
Qasym-Jomart Toqaev ulttyq jobalar qazaqstandyqtardyń turmys sapasyn jaqsartýǵa áser etetin naqty kórsetkishteri bar ózgeristerdiń tiimdi quralyna ainalýy tiis ekenin atap ótti.
Kezdesý barysynda kelesi aida ótkizýge josparlanyp otyrǵan Reformalar jónindegi joǵary keńes otyrysynyń kún tártibi qarastyryldy.
Memleket basshysyna «Astana» halyqaralyq qarjy ortalyǵynyń qazirgi qyzmeti, sondai-aq, qarjylyq tehnologiialar men innovatsiialardy damytý, portfeldi jáne tikelei investitsiia tartý jumystary jóninde baiandaldy.
Kezdesý sońynda Qasym-Jomart Toqaev Qairat Kelimbetovke birqatar naqty tapsyrma berdi.
