Foto: Aqorda
Qasym-Jomart Toqaevtyń tóraǵalyǵymen Qazaqstan Respýblikasy Qaýipsizdik Keńesiniń kezekti otyrysy ótti, dep habarlaidy Ult.kz.
Jiynda ishki jáne syrtqy kóshi-qon salasyndaǵy negizgi úrdister qarastyrylyp, Premer-ministrdiń orynbasary Ermek Kósherbaevtyń, sondai-aq Ishki ister, Tsifrlyq damý, innovatsiialar jáne aeroǵarysh ónerkásibi, Eńbek jáne halyqty áleýmettik qorǵaý ministrleriniń aqparaty tyńdaldy.
Memleket basshysy kóshi-qon saiasatyn iske asyrýda geosaiasi faktorlar men syn-qaterlerdi, demografiialyq boljamdardy jáne halyqtyń kóshý sebepterin esepke alýdyń mańyzyna toqtaldy.
Prezident zańsyz kóshi-qondy boldyrmaý boiynsha baqylaýdy qamtamasyz etý, sondai-aq eldiń adami kapitalyn arttyrýdy yntalandyrý qajettigine nazar aýdardy.
Otyrys qorytyndysy boiynsha Úkimetke birqatar naqty tapsyrma berildi, sonyń ishinde memlekettik organdardyń fýnktsionaldyq mindetterine saraptama jasaý men qaita qaraý jáne kóshi-qon salasyndaǵy barlyq aqparattyq júieni integratsiialaý isin kúsheitý mindeti júkteldi.
