Sýret: Aqorda
Kezdesý barysynda Qasym-Jomart Toqaev ShYU sammitine arnaiy qatysqany jáne Astananyń bastamalary men basymdyqtaryn turaqty túrde qoldap kele jatqany úshin Emomali Rahmonǵa rizashylyǵyn bildirdi.
"Sammitke Sizdiń qatysýyńyzdyń máni zor. Sebebi 1996 jyly qurylǵan Shanhai yntymaqtastyq uiymynyń bastaýynda bolǵan prezidentterdiń birisiz. Meniń oiymsha, bul uiym – shyn máninde, tiimdi, bedeldi ári demokratiialyq birlestik. Erteńgi sammit tabysty ótedi dep úmittenemin", – dedi Memleket basshysy.
Qazaqstan Prezidenti ekijaqty yntymaqtastyqtyń barlyq baǵytta qarqyndy damyp kele jatqanyn atap ótti. Onyń aitýynsha, Qazaqstan men Tájikstan shyn máninde odaqtastyq qatynastardy jolǵa qoia bildi. Buǵan Emomali Rahmonnyń sińirgen eńbegi orasan.
Tájikstan Prezidenti óz kezeginde Qazaqstannyń ShYU-daǵy tóraǵalyǵy tabysty ótkenin aitty. Sondai-aq eki eldiń saýda-ekonomikalyq, mádeni gýmanitarlyq salalardaǵy jáne qaýipsizdik baǵytyndaǵy yntymaqtastyǵy josparly túrde damyp kele jatqanyn atap ótti.
Sonymen qatar Qasym-Jomart Toqaev pen Emomali Rahmon eki eldiń halyqaralyq uiymdar aiasyndaǵy ózara yqpaldastyǵynyń jekelegen aspektilerin qarastyrdy.
