Foto: Aqorda
Prezident Qasym-Jomart Toqaev Premer-ministrdiń orynbasary Qanat Bozymbaevty qabyldap, óńirlerdi damytý boiynsha atqarylyp jatqan jumystar týraly esep tyńdady, dep habarlaidy Ult.kz.
Kezdesý barysynda Memleket basshysyna óńirlik saiasatty tiimdi júrgizý úshin qurylǵan jobalyq keńse týraly aityldy. Sonymen qatar, oblystar men aýdan ishindegi infraqurylymǵa qoljetimdilik teńsizdigin azaitýǵa baǵyttalǵan Óńirlik standarttar júiesin engizý jóninde baiandaldy.
Qanat Bozymbaev energetika jáne kommýnaldyq sektordy jańǵyrtýǵa arnalǵan Ulttyq jobanyń júzege asyrylýy jaily da málimet berdi. Atalǵan joba aiasynda 86 myń shaqyrymdyq jelini salý jáne qaita jańartý, qýaty 7,3 GVt bolatyn jańa energiia kózderin iske qosý kózdelgen. Bul jumystarǵa otandyq taýar óndirýshiler de keńinen tartylmaq.
Sondai-aq, turǵyndardy sapaly aýyzsýmen jáne káriz júiesimen qamtamasyz etý maqsatynda halyqaralyq kompaniialarmen seriktestik jóninde kelissózder júrgizilip jatqany aityldy.
Prezident óńirlerdi teńgerimdi damytý – el damýyndaǵy basty mindetterdiń biri ekenin atap ótti. Memleket basshysy kommýnaldyq infraqurylymdy jańǵyrtý, turǵyn úi-kommýnaldyq sharýashylyǵyna biryńǵai tsifrly ekojúie engizý, sý salasyn tsifrlandyrý men sý únemdeý tehnologiialaryn engizý boiynsha naqty tapsyrmalar júktedi.
