Prezident Qasym-Jomart Toqaev azamattardyń karantindik rejimge aýysyp, mektepter men ýniversitetterde qashyqtan oqytýdyń engizilýimen internet júiesi syn saǵatta - beriktik synaǵyna tótep bere almai qalǵanyn basa aitty, dep habarlaidy QazAqparat.
«Úlken júieli kemshilikter anyqtaldy. Bilim jáne ǵylym ministrligi amalsyz teledidar arqyly sabaq berýge májbúr boldy. Jarnamasy jer jarǵan «E-Learning» júiesi istemei qaldy. E-gov-ta úzilister baiqaldy. Virýstyq kezeńnen keiingi kezeńde biz osy jaǵdailardan sabaq alyp, esepterdi taldaýǵa daiyn bolýymyz kerek. Eń bastysy, shyn máninde tsifrly memleket bolý úshin IT salasyn sapaly jańa deńgeige shyǵarý josparyn daiyndaǵanymyz abzal. Kelesi jyl memleketimiz tiimdi tsifrlandyrý nyshanymen ótýi kerek», - dedi Memleket basshysy Qasym-Jomart Toqaevtyń Tótenshe jaǵdai rejimin qamtamasyz etý jónindegi memlekettik komissiianyń otyrysynda.
Prezident jańa tájiribeni eskere otyryp, «Tsifrly Qazaqstan» memlekettik baǵdarlamasyn qosymsha qarjylyq shyǵyndarsyz qaita qaraý qajettigin atap ótti.
«Biz densaýlyq saqtaý, bilim jáne ǵylymdy túbegeili reformalaýymyz kerek. Joǵaryda aitqanymdai, daǵdarys jaqsy, óitkeni ol barlyq kemshilikti ashyp berip, úlken múmkindikterdi de ala júredi. Biz olardyń artyqshylyǵyn paidalanýymyz kerek. Reformalardy damytý jumystary qazirden bastalýy tiis», - dedi ol.
