Memleket basshysy Islam damý banki tobynyń prezidenti Bandar Hadjarmen kezdesti, dep habarlaidy "Ult aqparat" Aqordaǵa silteme jasap.
Qasym-Jomart Toqaev Islam damý banki tobynyń «Astana» halyqaralyq qarjy ortalyǵyn Basqarý jónindegi keńestiń otyrysyna qatysýy jáne Bandar Hadjardyń Keńes múshesi laýazymyna taǵaiyndalýy Qazaqstandaǵy islamdyq qarjylyq qyzmetti damytýǵa eleýli úles qosatynyna senim bildirdi.
– Qazaqstannyń Tuńǵysh Prezidenti men Úkimeti islamdyq qarjylandyrýdy damytýǵa zor kóńil bólip otyr. Bizde islam banki men qarjy mekemeleriniń qyzmeti úshin barlyq jaǵdai jasalǵan. Osy baǵyttyń tabysty bolatynyna senimdimin, – dedi Memleket basshysy.
Kezdesý barysynda taraptar «Astana» halyqaralyq qarjy ortalyǵynyń jumysyna Islam damý bankiniń qatysý máselesi, sonyń ishinde basqa da islamdyq qarjy institýttaryn tartý, «Astana» halyqaralyq qarjy ortalyǵynyń bazasynda IDB qurylymdaryn ornalastyrý, osy ortalyqtyń birjasynda islam obligatsiialaryn shyǵarý jóninde pikir almasty.
