Aqordada Memleket basshysy Nursultan Nazarbaev elimizge resmi saparmen kelgen Iordaniia Hashimit Koroldiginiń Koroli Abdalla II ben ál-Hýseinmen shaǵyn quramdaǵy kelissózder ótkizýde, dep habarlaidy "Ult aqparat".
«Men iadrolyq qarýǵa qarsy kúreste erekshelengenderge arnalǵan arnaiy syilyq bekitken edim. Qazaqstan nómiri birinshi syilyqty Sizge tabystaý sheshimin qabyldady jáne men sáikesinshe jarlyqqa qol qoidym. Bul Siriiadaǵy, Iraktaǵy soǵys jaǵdaida halyqtardy jaqyndata túsetin bitimgershilik rólińizdi jalǵastyrýdaǵy eńbegińizdiń moiyndalýy. Siriia jónindegi Astana protsesinde de Sizdiń elińiz zor rólge ie. Osyny eskere kele arnaiy komissiia bul syilyqty Sizge tabystap otyr. Ony Sizge tabys etý men úshin zor qurmet», - dedi kezdesý barysynda Nursultan Nazarbaev.
Óz kezeginde Iordaniia Hashimit Koroldiginiń Koroli airyqsha syilyqty tabys etken Qazaqstan Prezidentine rizashylyǵyn bildirdi.
«Siz taiaý aralyqta diplomatiialyq qarym-qatynastyń 25 jyldyǵyn atap ótetindigimizdi eske saldyńyz. Degenmen, bizdiń qarym-qatynasymyz bul dataǵa deiin meniń ákemnen bastalǵanyn bilemiz. Iordaniia jáne búkil halyqaralyq qoǵamdastyq Sizdiń halyqaralyq arenadaǵy janjaldardy retteýdegi airyqsha rólińizdi biledi jáne baǵalaidy. Siz iadrolyq taratpaý salasyndaǵy syn-qaterlerdiń standarttaryn, jaýaptaryn belgilep qana qoimai, sonymen birge etnosaralyq jáne konfessiiaaralyq kelisimde de zor tabystarǵa qol jetkizdińiz», - dedi Abdalla II ben ál-Hýsein.
