Biylǵy 5-6 jeltoqsanda Qazaqstan Prezidenti Qasym-Jomart Toqaev Germaniia Federativtik Respýblikasyna resmi saparmen barady, – dep habarlady QR Prezidentiniń baspasóz hatshysy Berik Ýáli Facebook-tegi paraqshasynda jazdy.
«Sapar barysynda Kantsler Angela Merkelmen kelissóz júrgiziledi jáne Qazaqstan men Germaniia arasyndaǵy ekijaqty ózara qarym-qatynastardyń qazirgi jaǵdaiy men damý perspektivalaryn qarastyrady dep josparlanǵan. Sapar baǵdarlamasyna Memleket basshysynyń Prezident Frank-Valter Shtainmaiermen jáne Býndestag tóraǵasy Volfgang Shoiblemen kezdesýi engizilgen»,-dep jazdy baspasóz hatshysy.
Sondai-aq onda Qasym-Jomart Toqaevtyń 6 jeltoqsanda Berlinde kórnekti saiasi jáne qoǵam qairatkerleriniń, Germaniianyń memlekettik organdary ókilderiniń, «Germaniia – Ortalyq Aziia» parlamenttik dostyq toby músheleriniń aldynda sóz sóileitini aitylǵan. Buǵan qosa Memleket basshysy Berlin eýraziialyq klýbynyń 28-otyrysyna qatysady. Sondai-aq, nemis kompaniialarynyń basshylarymen kezdesý ótkizedi.
