Berlinde resmi saparmen júrgen Qazaqstan Prezidenti Qasym-Jomart Toqaev Germaniianyń Federaldyq Prezidenti Frank-Valter Shtainmaiermen kezdesti, dep habarlaidy "Ult aqparat" Aqordaǵa silteme jasap.
Sálemdesý jáne sýretke túsý rásiminen keiin Memleketter basshylary «Belviý» memlekettik rezidentsiiasyna bardy. Onda Qasym-Jomart Toqaev Qurmetti qonaqtar kitabyna qoltańbasyn qaldyrdy.
Sodan keiin eki eldiń prezidentteri kelissóz júrgizip, ózara qyzyǵýshylyq týdyratyn aýqymdy máselelerdi qarastyrdy.
Qazaqstan Prezidenti eki memleketti dostyq qarym-qatynastar bailanystyratynyn atap ótip, Eýropa odaǵyna múshe memleketter ishinde óziniń alǵashqy resmi saparyn Germaniiadan bastaǵanyn aitty.
Frank-Valter Shtainmaier atalǵan sapary úshin Qasym-Jomart Toqaevqa rizashylyǵyn bildirip, Qazaqstan men Germaniianyń yntymaqtastyǵyn odan ári damytý úshin júrgizilgen kelissózderdiń mańyzdylyǵyn atap ótti.
