Memleket basshysy Qasym-Jomart Toqaev Fraýnhofer institýtynyń syrtqy bailanystar bóliminiń direktory Iens Noigebaýermen kezdesti, dep habarlaidy Aqorda.
Taraptar bilim berý salasyndaǵy yntymaqtastyq máselelerin talqylady.
Qasym-Jomart Toqaev atalǵan institýttyń Qazaqstanda kásibi mamandar daiarlaý isin jańǵyrtýǵa jáne dýaldi bilim berý júiesin engizýge eleýli úles qosqanyn atap ótti. Memleket basshysynyń aitýynsha, bizdiń el bul saladaǵy Germaniianyń tájiribesin engizýge múddeli.
Iens Noigebaýer Fraýnhofer institýtynyń Qazaqstanmen aradaǵy yqpaldastyqty damytýǵa daiyn ekenin jetkizdi.
Atalǵan institýt 2008 jyldan beri Nur-Sultan, Almaty, Aqtaý, Qaraǵandy jáne Óskemen qalalaryndaǵy oqý oryndarymen, ónerkásiptermen tyǵyz bailanys ornatqan.
