Memleket basshysy Frantsiiaǵa jasaǵan resmi sapary aiasynda Frantsiia Respýblikasynyń Senatyna bardy, dep habarlaidy "Ult aqparat" Aqordanyń resmi saityna silteme jasap.
Prezident Qasym-Jomart Toqaevty Senat ǵimaratynyń aýlasynda Jerar Larshe ózi qarsy aldy. Sodan keiin Memleket basshysy men Senat spikeri sap túzep turǵan Qurmet qaraýylynyń aldymen júrip ótti.
Kezdesý barysynda Qasym-Jomart Toqaev Parijge jasaǵan resmi sapary aiasynda qol jetkizilgen ýaǵdalastyqtar eki el arasyndaǵy kópjaqty yntymaqtastyqqa tyń serpin beretinine senim bildirdi.
Memleket basshysynyń aitýynsha, Emmaniýel Makronmen júrgizilgen kelissóz Qazaqstan men Frantsiia arasyndaǵy seriktestiktiń strategiialyq sipatyn rastady. Saýda-ekonomikalyq yntymaqtastyqty damytýǵa, energetika jáne kólik-logistika salalaryna investitsiia tartý máselesine erekshe nazar aýdaryldy.
Prezident eki memleket arasyndaǵy parlamentaralyq bailanystardy nyǵaitýdyń mańyzdylyǵyn atap ótti. Osyǵan bailanysty Qasym-Jomart Toqaev Senat spikerin Qazaqstanǵa saparmen kelýge shaqyrdy.
Jerar Larshe elimizde júrgizilip jatqan saiasi jáne ekonomikalyq reformalardy joǵary baǵalady. Ol Qazaqstan men Frantsiia arasyndaǵy yntymaqtastyqty damytý úshin ózara belsendi is-áreket júrgizýge daiyn ekenin jetkizdi.
Kezdesý sońynda Prezident Frantsiia Senatynyń Qurmetti qonaqtar kitabyna estelik qoltańba qaldyrdy.
