Memleket basshysy Eýropalyq qaita qurý jáne damý bankiniń prezidenti Sýma Chakrabartimen kezdesti, dep habarlaidy "Ult aqparat" Aqordaǵa silteme jasap.
Qasym-Jomart Toqaev búgingi tańda Eýropalyq qaita qurý jáne damý bankiniń Qazaqstan ekonomikasyna investitsiia salyp otyrǵan iri qarjy institýttarynyń biri ekenin atap ótti. Memleket basshysy banktiń bizdiń eldegi kóp jylǵy jumysyna joǵary baǵa berdi.
– Sizderdiń Qazaqstandaǵy jumystaryńyzdyń bastalǵan kezin jaqsy bilemin jáne Sizdiń aldyńyzdaǵy basshylarmen de tanyspyn. Bank bizdiń elimizde tabysty jobalar júzege asyrdy. Bul maqtaýǵa turarlyq jumys dep oilaimyn, – dedi Qazaqstan Prezidenti.
Sýma Chakrabarti Qazaqstannyń EQDB áriptesteriniń ishindegi iri bestikke kiretinin aityp, jemisti yntymaqtastyqtyń jalǵasatynyna úmit bildirdi.
