Nur-Sultan qalasynyń ákimdiginde ótken elordany odan ary damytý máseleleri jónindegi májiliste Memleket basshysy Qasym-Jomart Toqaev aýyz sý sapasyna qatysty máseleni kóterdi, dep habarlaidy QazAqparat.
«Qala turǵyndary aýyz sý sapasy máselesin birneshe márte kóterdi. 20 qyrkúiekte áleýmettik jeli arqyly azamattar sýdan shyǵyp turǵan jaǵymsyz iiske shaǵymdana bastady. Biraq elordalyq taýarlar men qyzmetterdiń sapasyn jáne qaýipsizdigin baqylaý departamenti tarapynan túsindirý bir aptadan keiin, 27 qyrkúiekte ǵana boldy. Nelikten shuǵyl áreket etpeidi? Bireýlermen jaýabyn kelise me?», - dedi Qazaqstan Prezidenti.
Memleket basshysy elordadaǵy aýyz sýmen bailanysty problemany barynsha jedel sheshý qajettigine nazar aýdartty.
«Basty másele - elep-eskerý emes, osy máseleni sheshý. Bul da bizdiń sózderimizben qabyspaidy ǵoi. Biz elordamyzdy basqasha maqtaimyz, al sýy basqa túrde múńkidi», - dedi Q.Toqaev.
