Aldaǵy kezeńde baǵany qymbattatpai, eldi dúrliktirmei, jumysty durys júrgizgen jón. Bul týraly «Egemen Qazaqstan» gazetine bergen suhbatynda QR Prezidenti Qasym-Jomart Toqaev aitty, dep habarlaidy "Ult aqparat".
«Elimiz úshin aýyl sharýashylyǵynyń mańyzy zor. Dál qazirgi basty mindet – egis naýqanyn oidaǵydai ótkizý. Qazaq «Kóktemniń bir kúni – jylǵa azyq» deidi. Kez kelgen qaýip-qaterge qaramastan bul jumysty ýaqtyly júrgizý kerek.
Málimdemede aitylǵandai, biyl kóktemgi egis naýqanyna jáne ónimdi aldyn ala satyp alýǵa 200 milliard teńge bólindi. Sonyń 70 milliardy tuqym óndirisin damytýǵa, tyńaitqysh satyp alýǵa jumsalady. Sonymen qatar shaǵyn jáne orta sharýa qojalyqtary janarmaidy arzan baǵamen alady. Osyǵan orai 390 myń tonna dizel otyny jeńildikpen satylýda. Munyń bári mol ónim alýǵa septigin tigizedi dep senemin», - dedi Q.Toqaev.
Memleket basshysynyń aitýynsha, qazir halyqty azyq-túlikpen qamtamasyz etý – negizgi máseleniń biri.
«Men muny Úkimetke de, ákimderge de turaqty baqylaýda ustaýdy tapsyrdym. Jalpy, elimizde azyq-túlik jetkilikti. Aldaǵy kezeńde baǵany qymbattatpai, eldi dúrliktirmei, jumysty durys júrgizgen jón.
Eń mańyzdy másele – aýyldaǵy jastarǵa jaǵdai jasap, olardy jumyspen qamtamasyz etý. Áitpese baqylaýsyz migratsiia men ýrbanizatsiiaǵa ushyrap, sonyń saldarynan kúrdeli áleýmettik jáne saiasi máselelerdi sheshýimizge týra kelýi múmkin. Mine, biz osyndai qiynshylyqtardy kóre bastadyq. Ásirese bul iri qalalarda baiqalýda. Osy máseleler memlekettik organdardyń udaiy nazarynda bolýy kerek», - dedi Qazaqstan Prezidenti.
