QR Prezidenti janyndaǵy Qazaqstannyń strategiialyq zertteýler institýtynyń bas ǵylymi qyzmetkeri, ekonomika ǵylymdarynyń doktory Viacheslav Dodonov Memleket basshysy Qasym-Jomart Toqaevtyń Úkimettiń keńeitilgen otyrysynda sóilegen sózine orai pikir bildirdi, dep habarlaidy QazAqparat.
«Memleket basshysynyń sóz sóileýinen Qazaqstan ekonomikasynyń qazirgi ahýalyna, onyń negizgi salalary jáne damý bolashaǵyna bailanysty birqatar tezisin bóle qarastyrýǵa bolady. Eń aldymen Prezident Qasym-Jomart Toqaev ekonomika betpe-bet kelip otyrǵan problemalarǵa barynsha nazar aýdartty. Ol birinshi jartyjyldyqta jalpy ishki ónim 1,8 paiyzǵa quldyraǵanyn, qyzmet kórsetý salasy aitarlyqtai zardap shekkenin, biýdjet kirisiniń úlken kólemi túspei qalýynan memlekettik qarjy júiesindegi ahýal kúrdeli bolyp otyrǵandyǵyn jáne osyǵan bailanysty Ultttyq qordyń aitarlyqtai qarajaty jumysalǵandyǵyn atap ótti», - dedi ol.
Sarapshynyń aitýynsha, Qazaqstan tap bolǵan makroekonomikalyq problemalar negizinen syrtqy faktorlardyń áserinen oryn alyp jatyr. Iaǵni, shikizat baǵasy quldyrady. Koronavirýs indeti órshidi. Osyndai kúrdeli jaǵdaida memleket halyq pen bizneske kómek krsetý úshin óziniń áleýmettik mindettemesin arttyrdy. Al bul biýdjet shyǵystary men Ulttyq qor transfertiniń ulǵaiýyna alyp keldi.
«Memleket basshysy shaǵyn jáne orta biznestiń qoldaý úshin birqatar teńdessiz daǵdarysqa qarsy sharanyń qabyldanǵanyn, «Jumyspen qamtýdyń jol kartasy» baǵdarlamasy júzege asyrylyp jatqanyn, onyń aiasynda 225 myń adam jumysqa ornalasýy tiistigin atap ótti. Indet kezindegi shuǵyl problemalardy sheshý úshin QR Úkimetiniń jáne óńirlerdiń biýdjetterinen 150 mlrd teńge bólingenin aitty. Daǵdarysqa qarsy sipattaǵy osy jáne ózge de sharalar Ulttyq qordan respýblikalyq biýdjetke 4,7 trln teńge mólsherinde rekordtyq kólemdi alýǵa túrtki boldy. Ádetki ýaqytta bul transh kólemi shamamen 3 trln teńgeni quraityn», - dedi Viacheslav Dodonov.
Onyń atap ótýinshe, qazirgi jahandyq daǵdarys el ekonomikasyna tóndirip otyrǵan problemalar jedel, taktikalyq, sonymen qatar strategiialyq turǵydaǵy keshendi sheshimderdi ázirleýdi qajet etedi. Mundai sheshimderdiń kpóshiligin Prezident sóz sóileýi barysynda naqty aityp ta berdi. Aitalyq, Memleket basshysy infliiatsiia shegin 8-8,5 paiyz dálizinde ustap turý, memlekettik qundy qaǵazdar naryǵyn damytý jumystaryn jandandyrý, básekege qabiletti taýarlardy syrtqy naryqtardy ilgeriletý, dári-drmek óndirisin damytý, sheteldik investitsiiatartý jumystaryn jandandyrý máselelerine basa mán berdi.
