Kezdesýde taraptar álemdegi qalyptasqan jaǵdaiǵa bailanysty saýda-ekonomikalyq yntymaqtastyqty damytýǵa qatysty pikir almasty, sondai-aq 2020 jyly Astanada ótetin Dúniejúzilik saýda uiymynyń HII Ministrler konferentsiiasyna daiyndyq barysyn talqylady, dep habarlaidy "Ult aqparat" Aqordaǵa silteme jasap.
- Sizben Astanada qaita júzdeskenime qýanyshtymyn. Qazaqstan Dúniejúzilik saýda uiymyna múshe bolar kezde elimizge úlken qoldaý bildirgenińizdi bilemiz. Búginde bizdiń el - uiymnyń belsendi múshesi. 2020 jyly Astanada konferentsiia ótkizý jóninde sheshim qabyldandy. Biz osy sharany tiisti deńgeide ótkizý úshin kúsh jumyldyramyz, - dedi Qazaqstan Prezidenti.
Nursultan Nazarbaev Dúniejúzilik saýda uiymynyń elder arasyndaǵy saýda-ekonomikalyq qarym-qatynasty nyǵaitýdy jáne keńeitýdi kózdeitin basty qaǵidattaryn Qazaqstannyń tolyq qoldaitynyn atap ótti.
Robertý Azevedý Nursultan Nazarbaevqa qonaqjailyq tanytqany jáne Qazaqstan men Dúniejúzilik saýda uiymynyń aldaǵy yntymaqtastyǵyna arnalǵan máselelerdi talqylaýǵa múmkindik bergeni úshin alǵys bildirdi.
- Jenevadaǵy sońǵy kezdesýimizden keiin Qazaqstan men Dúniejúzilik saýda uiymy arasyndaǵy yntymaqtastyqtyń tereńdegenin nyq senimmen aita alamyz. Sizdiń elińiz kópjaqty saýda júiesin damytý qaǵidattaryn árdaiym berik ustanyp keledi. Biz Qazaqstannyń 2020 jyly Ministrler konferentsiiasyn ótkizýge kelisim bergenine qýanyshtymyz. Bul búgingi álemde bolyp jatqan oqiǵalarǵa orai erekshe mańyzǵa ie bolyp otyr, - dedi Dúniejúzilik saýda uiymynyń bas direktory.
Sondai-aq, R.Azevedý jetekshi derjavalar arasyndaǵy saýda-ekonomikalyq shielenistiń basqa elderge tigizetin saldaryna toqtaldy.
