Memleket basshysy Qasym-Jomart Toqaev tanymal jazýshy, dramatýrg Roza Muqanovany týǵan kúnimen quttyqtady. Prezidenttiń quttyqtaý hatyn Mədeniet jəne sport ministri Aqtoty Raiymqulova tabystady, dep habarlaidy "Ult aqparat".
«Ózińizdi otandastarymyz shyǵarmashylyq joldaǵy izdenisterge toly eńbegimen, adami asyl qasietterimen abyroiǵa bólengen qalamy ushqyr jazýshy əri dramatýrg retinde jaqsy biledi jəne qurmetteidi. Aldaǵy ýaqytta da el ədebietiniń órkendeýine súbeli úles qosyp, taǵylymy mol qundy dúnielerińizdi asyǵa kútetin oily oqyrmandaryńyzdy jańa týyndylaryńyzben qýanta berýińizge tilektestigimdi bildiremin. Sizge zor densaýlyq jəne otbasyńyzǵa qut-bereke tileimin», - delingen Memleket basshysynyń quttyqtaý hatynda.
Sonymen qatar Aqtoty Raiymqulova Roza Muqanovany Ministrlik atynan da quttyqtap, qyzmetine tabys tiledi.
Aita keteiik, Roza Muqanova Qazaqstan Jastar odaǵy syilyǵynyń, T.Aibergenov atyndaǵy syilyqtyń (1989), Halyqaralyq «Alash» ádebi syilyǵynyń laýreaty (2002). Sonymen qatar «Shatyr astyndaǵy Men» pesasy Memlekettik Grant júldesiniń (2008), Eýropa qoǵamdastyǵynyń sheshimi boiynsha ádebietke sińirgen eńbegi úshin Frants Kafka atyndaǵy medaldiń iegeri (2011).
