Endigi ýaqytta eldegi «Dostyq» úilerinde maǵynasyz jiyn, sharalar toqtatylyp, ol jerde sarapshylar, mamandar jumys isteitin bolady. Bul pikirmen QR Parlamenti Senatynyń depýtaty Nurtóre Júsip bólisti, dep habarlaidy QazAqparat.
«Qazaqstan halqy Assambleiasynyń keńeitilgen otyrysynda Memleket basshysy birqatar máseleni kóterdi. Sonyń ishinde óńirlerdi kóterý, birtutas ult uǵymy, turmystyq kikiljińderdi ultaralyq janjaldarǵa ulystyrmaý máselesi taǵy sol siiaqty. Sol sekildi Qasym-Jomart Kemeluly rýhani-mádeni turǵyda dami túsý kerektigin aita kele, elimizdiń aǵartý jáne mádeniet salasynyń damytýda ózge ulty ókilderi Potanin, Dostaevskiidiń eńbekterine erekshe toqtalyp ótti. Jalpy búgingi jiyn mazmundy ótti deýge bolady. Elimizdiń tutastyǵy ol birlik pen yntymaqtastyq saqtai bilýde», - dedi Nurtóre Júsip.
Sondai-aq, halyq qalaýlysy eldegi jastar máselesine arnalǵan jiyn ótkizý usynysy aitylǵanyn tilge tiek etti.
«Keńeitilgen otyrysta bir qatysýshy jaqsy bastama kóterdi. Búginde elimizde balalarǵa arnalǵan bir ǵana «Balapan» telearnasy bar. Ol 0 jastan 9 jasqa deiingi balalarǵa arnalǵan. Al endi 9 jastan 18 jasqa deiingi jasóspirimderge arnalǵan televiziialyq dúnieniń, telearnanyń joqtyǵyn aitty. Bul máselege Memleket basshysy ýaqytyly nazar aýdaryp, arnaiy jiyn ótkizý kerektigi aityldy. Sonymen qatar analar keńesiniń jumysy týraly aityldy, bul boiynsha Prezident keńes elimizdiń barlyq óńirinde qurylý kerektigin aitty. Memleket basshysy kótergen taǵy bir mańyzdy dúnie elimizdegi «Dostyq» úileriniń qyzmetin aiqyndap berdi. Ol jerde maǵynasyz jiyndar ótkizbei, sarapshylar, mamandar jumys isteitin bolady», - deidi ol.
