ەندٸگٸ ۋاقىتتا ەلدەگٸ «دوستىق» ٷيلەرٸندە ماعىناسىز جيىن, شارالار توقتاتىلىپ, ول جەردە ساراپشىلار, ماماندار جۇمىس ٸستەيتٸن بولادى. بۇل پٸكٸرمەن قر پارلامەنتٸ سەناتىنىڭ دەپۋتاتى نۇرتٶرە جٷسٸپ بٶلٸستٸ, دەپ حابارلايدى قازاقپارات.
«قازاقستان حالقى اسسامبلەياسىنىڭ كەڭەيتٸلگەن وتىرىسىندا مەملەكەت باسشىسى بٸرقاتار مەسەلەنٸ كٶتەردٸ. سونىڭ ٸشٸندە ٶڭٸرلەردٸ كٶتەرۋ, بٸرتۇتاس ۇلت ۇعىمى, تۇرمىستىق كيكٸلجٸڭدەردٸ ۇلتارالىق جانجالدارعا ۇلىستىرماۋ مەسەلەسٸ تاعى سول سيياقتى. سول سەكٸلدٸ قاسىم-جومارت كەمەلۇلى رۋحاني-مەدەني تۇرعىدا دامي تٷسۋ كەرەكتٸگٸن ايتا كەلە, ەلٸمٸزدٸڭ اعارتۋ جەنە مەدەنيەت سالاسىنىڭ دامىتۋدا ٶزگە ۇلتى ٶكٸلدەرٸ پوتانين, دوستاەۆسكييدٸڭ ەڭبەكتەرٸنە ەرەكشە توقتالىپ ٶتتٸ. جالپى بٷگٸنگٸ جيىن مازمۇندى ٶتتٸ دەۋگە بولادى. ەلٸمٸزدٸڭ تۇتاستىعى ول بٸرلٸك پەن ىنتىماقتاستىق ساقتاي بٸلۋدە», - دەدٸ نۇرتٶرە جٷسٸپ.
سونداي-اق, حالىق قالاۋلىسى ەلدەگٸ جاستار مەسەلەسٸنە ارنالعان جيىن ٶتكٸزۋ ۇسىنىسى ايتىلعانىن تٸلگە تيەك ەتتٸ.
«كەڭەيتٸلگەن وتىرىستا بٸر قاتىسۋشى جاقسى باستاما كٶتەردٸ. بٷگٸندە ەلٸمٸزدە بالالارعا ارنالعان بٸر عانا «بالاپان» تەلەارناسى بار. ول 0 جاستان 9 جاسقا دەيٸنگٸ بالالارعا ارنالعان. ال ەندٸ 9 جاستان 18 جاسقا دەيٸنگٸ جاسٶسپٸرٸمدەرگە ارنالعان تەلەۆيزييالىق دٷنيەنٸڭ, تەلەارنانىڭ جوقتىعىن ايتتى. بۇل مەسەلەگە مەملەكەت باسشىسى ۋاقىتىلى نازار اۋدارىپ, ارنايى جيىن ٶتكٸزۋ كەرەكتٸگٸ ايتىلدى. سونىمەن قاتار انالار كەڭەسٸنٸڭ جۇمىسى تۋرالى ايتىلدى, بۇل بويىنشا پرەزيدەنت كەڭەس ەلٸمٸزدٸڭ بارلىق ٶڭٸرٸندە قۇرىلۋ كەرەكتٸگٸن ايتتى. مەملەكەت باسشىسى كٶتەرگەن تاعى بٸر ماڭىزدى دٷنيە ەلٸمٸزدەگٸ «دوستىق» ٷيلەرٸنٸڭ قىزمەتٸن ايقىنداپ بەردٸ. ول جەردە ماعىناسىز جيىندار ٶتكٸزبەي, ساراپشىلار, ماماندار جۇمىس ٸستەيتٸن بولادى», - دەيدٸ ول.
