Qazaqstan Prezidenti Qasym-Jomart Toqaev belgili sport qairatkeri, dańqty bapker Beket Mahmutovtyń dúnieden ótýine bailanysty onyń otbasyna jáne jaqyn týystaryna kóńil aitý jedelhatyn joldady, dep habarlaidy Memleket basshysynyń baspasóz hatshysy Berik Ýáli Facebook-tegi paraqshasynda.
«Beket Sapabekuly uzaq jyldar boiy elimizde sport salasyn órkendetý jolynda eseli eńbek etip, qurmetke bólengen edi. Ásirese, qazaq sportyn joǵary deńgeige kótergen bilikti bapker retinde esimi el tarihynda qalatyny anyq. Salmaqty da sabyrly minezimen óz ortasyna syily boldy. Marqumnyń jany jánnatta, imany salamat bolsyn», – delingen jedelhatta.
Sóz sońynda Memleket basshysy onyń esimi men jarqyn beinesi halqymyzdyń júreginde máńgi saqtalatynyna senim bildirdi.
