Memleket basshysy Braziliia Prezidentine kóńil aitý jedelhatyn joldady, - dep habarlaidy «Últ aqparat».
Qasym-Jomart Toqaev Braziliianyń San-Paýlý shtatynda jolaýshylar ushaǵy apatqa ushyrap, saldarynan kóptegen adamnyń qaza tabýyna bailanysty Prezident Lýis Inasiý Lýla da Silvaǵa kóńil aitty.
"Osyndai aýyr sátte qaiǵy-qasiretterińizge ortaqtasyp, Qazaqstan halqynyń jáne jeke óz atymnan Sizge jáne jaqyndarynan aiyrylǵan otbasylarǵa, sondai-aq dostas Braziliia halqyna kóńil aitamyn", – dep jazylǵan jedelhatta.
Braziliiada ATR-72 týrbovint ushaǵynyń apatqa ushyraýyna ushaq qanattarynda muzdyń paida bolýy sebep bolýy múmkin. Ushaq turǵyn aýdanǵa qulaǵan.
Ushaq basqarylmai, qatty muzdanǵan aimaqqa kirip, ainala bastady degen boljam bar. Ushaq aýada ainalyp, keiin qulaǵan. Qulaý saldarynan 62 adam qaza tapty - 58 jolaýshy, eki bortserik, ekinshi ushqysh jáne áýe kemesiniń komandiri.
Ushaq Kaskavelden (Parana shtaty) Gýarýlosqa (San-Paýlý shtaty) ushty.
Politsiia apatqa qatysty tergeýdi bastady.
