Elbasy Nursultan Ábishuly ókimimen birqatar jańa taǵaiyndaýlar boldy, dep habarlaidy "Ult aqparat" Aqordaǵa silteme jasap.
Ermek Bedelbaiuly Kósherbaev Qazaqstan Respýblikasy Syrtqy ister ministrliginiń jaýapty hatshysy bolyp taǵaiyndaldy, ol Qazaqstan Respýblikasy Aýyl sharýashylyǵy ministrliginiń jaýapty hatshysy qyzmetinen bosatyldy.
Al, buǵan deiin bul laýazamdy atqarǵan Anarbek Baqtyǵazyuly Qarashev basqa jumysqa aýysýyna bailanysty qyzmetinen bosatyldy.
Sondai-aq, Arman Daiyruly Jumabekov Qazaqstan Respýblikasy Ulttyq ekonomika ministrliginiń jaýapty hatshysy bolyp taǵaiyndaldy.
Daniiar Valerevich Vagapov Qazaqstan Respýblikasy Prezidenti Ákimshiliginiń Memlekettik quqyq bóliminiń meńgerýshisi bolyp taǵaiyndaldy, ol Qazaqstan Respýblikasy Ulttyq ekonomika ministrliginiń jaýapty hatshysy qyzmetinen bosatyldy.
