Memleket basshysy Dúniejúzilik energetika aptalyǵy men HIV KazEnergy Eýraziialyq forýmy aiasynda ótken «Álemdik energetikalyq trilemma 2021 – komponentter teńgerimi: energetikalyq aimaqtar boiynsha ózgerister navigatsiiasy» atty jahandyq plenarlyq májiliste beineúndeý jasady, dep habarlaidy "Ult aqparat" Aqordaǵa silteme jasap.
Prezident Ortalyq Aziia aimaǵynda alǵash ret ótkizilip otyrǵan Dúniejúzilik energetika aptalyǵynyń uiymdastyrylýyn qoldady.
– Osy aptada 90 eldiń basshylary men bedeldi tulǵalary Qazaqstanda bas qosty. Glazgoda ótetin Klimattyń ózgerýi jónindegi SOR26 konferentsiiasynyń qarsańynda qol jetkizilgen nátijeler men ortaq bolashaqqa qatysty kózqarastarymyzdy talqylaý úshin jinaldyq, – dedi Qasym-Jomart Toqaev.
Memleket basshysy osy baǵyttaǵy ulttyq basymdyqtar men mindettemeler týraly aita kelip, Qazaqstan klimattyń ózgerýine qarsy kúres pen Parij kelisiminiń maqsattary jolyndaǵy jahandyq kúsh-jigerdi tolyq qoldaitynyn atap ótti.
Sonymen qatar Prezident álemniń jańa damý kezeńine qadam basqany týraly pikirin ortaǵa saldy. Onyń aitýynsha, jańa tehnologiialar qazba otyn túrlerinen jańartylatyn qýat kózderine, sýtegi men iadrolyq energiiaǵa kóshýdi talap etedi.
– Men Úkimetke 2030 jylǵa qarai elektr energiiasyn óndirýde jańartylatyn jáne balamaly energiia kózderiniń úlesin 15 paiyzǵa jetkizýdi tapsyrdym. Qazirgi tańda 2000 MVt-qa jýyq jańartylatyn qýat kózderi paidalanýǵa berildi. Qazaqstannyń kózdegen maqsatqa jetý jolyndaǵy baǵyty durys. Alaida, kómirtegi beitaraptyǵyna qol jetkizý úshin tek jańartylatyn energiiaǵa iek artý jetkiliksiz, – dedi Memleket basshysy.
Qasym-Jomart Toqaev óziniń ustanǵan saiasatyna sáikes Úkimettiń energiia óndirý, energiiany únemdi paidalaný, tsifrlandyrý jáne turaqty ekonomikalyq ósim siiaqty negizgi baǵyttardy ilgeriletýge yqpal etetin birqatar ulttyq jobalardy ázirlep jatqanyn atap ótti.
– Bul jobalar asa mańyzdy, óitkeni olar milliardtaǵan adamnyń biznes júrgizýiniń jáne kúndelikti ómiriniń «jańa normasyna» ainalady, – dedi Prezident.
Memleket basshysy sóziniń sońynda Forýmnyń pikirtalas platformasynyń biregeiligine toqtaldy. Osy rette atalǵan jiyn álemniń jahandyq maqsatqa – klimattyń ózgerýine tosqaýyl qoiýǵa qol jetkizýine septigin tigizetin qazirgi úrdisterdi, boljamdar men josparlardy qarastyrý úshin jetekshi sarapshylarǵa jaqsy múmkindik beretinin jetkizdi.
